`Bütün hədəflər vuruldu` - Müdafiə Nazirliyi
18:14 22 İyun 2016
Azərbaycanın müdafiə naziri, general-polkovnik Zakir Həsənov son günlər keçirilən təlimlər barədə danışıb.
Femida.az xəbər verir ki, Z. Həsənov ölkə başçısı, Ali Baş Komandan İlham Əliyevin tapşırığı ilə keçirilən təlimi yüksək qiymətləndirib: “Cənab prezident, Ali Baş Komandan Silahlı Qüvvələrimizin qarşısında vəzifələr qoyub. Bu vəzifələri yerinə yetirmək üçün gecə-gündüz təlimlər keçirməli, şəxsi heyətin döyüş hazırlığını yüksəltməliyik. Mən Baş Qərargah qarşısında vəzifə qoymuşam ki, bütün təlimlər döyüş şəraitinə uyğun keçirilməlidir və keçirilir. Müavinlərim və hərbi birləşmə komandirləri ilə də təlimin gedişində müzakirələr apardım. Tam məsuliyyətimlə deyirəm ki, təlimlər yüksək səviyyədə keçdi, qarşıya qoyulan məqsəqlərə nail olduq, bütün hədəflər vuruldu".
Ölkə başçısı tərəfindən Silahlı Qüvvələrdə aparılan islahatlara toxunan nazir qeyd edib ki, bu islahatlar artıq nəticəsini verir: “Silahlı Qüvvələrimizdə kompleks islahatlar həyata keçirilir. Bu gün Silahlı Qüvvələrdə mövcud olan yüksək səviyyəli döyüş hazırlığı bu islahatların nəticəsidir. Azərbaycan Ordusunun istifadəsində olan müasir avadanlıqlar və silahlar aparıcı dövlətlərin Silahlı Qüvvələri ilə eynidir. Bütün bunlar ölkə başçısının ordumuza göstərdiyi diqqətin nəticəsidir”.
Qeyd edək ki, Azərbaycan Silahlı Qüvvələrin 2016-cı il üçün hazırlıq planına uyğun olaraq iyunun 19-dan operativ-taktiki təlimləri başlayıb.
Bu gün cəbhə boyu ərazilərdə təlimlərin növbəti döyüş atışlı mərhələsi keçirilib.
Müdafiə naziri, general-polkovnik Zakir Həsənovun da iştirak etdiyi atışlı mərhələdə fərqlənən hərbçilər mükafatlandırılıb.
İyunun 24-dək davam edəcək təlimlərdə 25 min nəfərədək şəxsi heyət, 300-də çox tank və zirehli döyüş maşını, 100-dən artıq raket və artilleriya qurğusu, 40-dək hərbi aviasiya və 30-dan çox hava hücumundan müdafiə sistemləri iştirak edir. (apa)
Femida.az
Oxunub: 3606
Oxşar xəbərlər
- `Bütün müvafiq qurumlar bir nöqtəyə vurur` - İlham Əliyev
- `Bütün vətəndaşlarımızla fəxr edirik` - İlham Əliyev
- `Bütün işləri xalqımız üçün görürük` - Prezident
- `Bütün işləri nəzarətdə saxlayıram` - İlham Əliyev
- `Bütün hərbi təhsil müəssisələri bağlanacaq` - Ərdoğan
- `Bütün hədəflərimizə nail olduq` - Bahar Muradova
- `Bütün tərəflərin maraqları təmin olunur` - İlham Əliyev
- `Bütün hərbi obyektlər vurulsun` - Nazir əmr verdi